ਮਾਨਸਾ 19 ਅਗਸਤ (
BTTNEWS.ONLINE) ਸੰਯੁਕਤ ਕਿਸਾਨ ਮੋਰਚਾ (ਗੈਰ ਸਿਆਸੀ) ਭਾਰਤ ਦੇ 22 ਅਗਸਤ ਨੂੰ ਜੰਤਰ ਮੰਤਰ ਦੇ ਧਰਨੇ ਦੇ ਸੱਦੇ ‘ਤੇ ਭਾਰਤੀ ਕਿਸਾਨ ਯੂਨੀਅਨ (ਏਕਤਾ) ਸਿੱਧੂਪੁਰ ਵੱਲੋਂ ਪਿੰਡ ਚਕੇਰੀਆਂ ਵਿੱਚ ਭਰਵੀਂ ਮੀਟਿੰਗ ਸੱਦੀ ਗਈ । ਮੀਟਿੰਗ ਦੀ ਅਗਵਾਈ ਕਰਦੇ ਹੋਏ ਜਿਲਾ ਪ੍ਰਧਾਨ ਲਖਵੀਰ ਅਕਲੀਆ ਨੇ ਕੇਂਦਰ ਸਰਕਾਰ ਦੀਆਂ ਤੁਗਲਕ ਨੀਤੀਆਂ ਦੀ ਜੰਮ ਕੇ ਵਿਰੋਧਤਾ ਕੀਤੀ । ਉਨ੍ਹਾਂ ਬਿਜਲੀ ਸੋਧ ਬਿੱਲ ਨੂੰ ਕਾਰਪੋਰੇਟ ਪੱਖੀ ਬਿੱਲ ਦੱਸਦੇ ਹੋਏ ਮੋਦੀ ਸਰਕਾਰ ਦੀਆਂ ਲੋਕ ਮਾਰੂ ਨੀਤੀਆਂ ਤੋਂ ਲੋਕਾਂ ਨੂੰ ਜਾਣੂ ਕਰਵਾਇਆ । ਮੱਖਣ ਭੈਣੀ ਬਾਘਾ ਨੇ ਕਿਸਾਨੀ ਦੇ ਮੌਜੂਦਾ ਹਾਲਾਤਾਂ ਬਾਰੇ ਸਰਕਾਰਾਂ ਨੂੰ ਦੋਸ਼ੀ ਕਰਾਰ ਦਿੱਤਾ ਅਤੇ ਲਖੀਮਪੁਰ ਖੀਰੀ ਦੇ ਕਾਤਲਾਂ, ਬਿਜਲੀ ਸੋਧ ਬਿੱਲ 2022 ਅਤੇ ਕਿਸਾਨਾਂ ‘ਤੇ ਪਏ ਪਰਚੇ ਰੱਦ ਕਰਵਾਉਣ ਲਈ 22 ਅਗਸਤ ਨੂੰ ਇਕੱਠ ਵਿੱਚ ਵਹੀਰਾਂ ਘੱਤ ਕੇ ਪਹੁੰਚਣ ਲਈ ਅਪੀਲ ਕੀਤੀ । ਇਸ ਮੌਕੇ ਜਗਦੇਵ ਭੈਣੀ ਬਾਘਾ, ਜਗਦੇਵ ਕੋਟਲੀ ਕਲਾਂ, ਰੂਪ ਖਿਆਲਾ, ਬਲਜੀਤ ਭੈਣੀ ਬਾਘਾ, ਲਾਭ ਬੁਰਜ ਹਰੀਕੇ, ਗੁਰਮੇਲ, ਚੇਤ, ਨਾਹਰਾ, ਬਲਵਿੰਦਰ, ਜੱਸੂ, ਦਾਰਾ, ਵੀਰਾ, ਜਗਸੀਰ ਚਕੇਰੀਆਂ, ਸਿਕੰਦਰ, ਲਾਭਾ ਫੌਜੀ ਆਦਿ ਮੌਜੂਦ ਰਹੇ ।
ਅਰਬ ਦੇਸ਼ ਵਿੱਚ ਬੰਧਕ ਬਣਾਈ ਪੀੜਤਾ ਆਪਣੇ ਘਰ ਪਹੁੰਚੀ 
Comment List