ਸ੍ਰੀ ਮੁਕਤਸਰ ਸਾਹਿਬ 

ਮਾਨਯੋਗ ਪੰਜਾਬ ਸਰਕਾਰ ਅਤੇ ਡੀ.ਜੀ.ਪੀ. ਪੰਜਾਬ ਜੀ ਦੀਆਂ ਹਦਾਇਤਾ ਤਹਿਤ ਜਿਲ੍ਹਾ ਪੁਲਿਸ ਮੁੱਖੀ ਸ. ਉਪਿੰਦਰਜੀਤ ਸਿੰਘ ਆਈ.ਪੀ.ਐਸ. ਵੱਲੋ ਇੱਕ ਵਿਸ਼ੇਸ਼ ਮੁਹਿੰਮ ਵਿੱਢੀ ਗਈ ਹੈ। ਇਸ ਮੁਹਿੰਮ ਨੂੰੰ ਉਸ ਵੇਲੇ ਵੱਡੀ ਕਾਮਯਾਬੀ ਮਿਲੀ ਜਦੋਂ ਸ. ਬਲਕਾਰ ਸਿੰਘ ਸਿੰਧੂ ਡੀ.ਐਸ.ਪੀ ਮਲੋਟ ਦੀ ਹਾਜ਼ਰੀ ਵਿੱਚ  ਥਾਣਾ ਲੰਬੀ ਪੁਲਿਸ ਵੱਲੋਂ  4 ਕਿਲੋ 400 ਗ੍ਰਾਮ ਹੈਰੋਇਨ ਬ੍ਰਾਮਦ ਕੀਤੀ ਗਈ ਹੈ। ਜਾਣਕਾਰੀ ਅਨੁਸਾਰ ਲੰਬੀ ਪੁਲਿਸ ਵੱਲੋਂ 24.01.2023 ਸ਼ੱਕੀ ਪੁਰਸ਼ਾ ਦੀ ਚੈਕਿੰਗ ਦੇ ਸਬੰਧ ਵਿੱਚ ਥਾਣਾ ਲੰਬੀ ਦੇ ਏਰੀਏ ਬਾਹੱਦ ਰੱਕਬਾ ਡੀਫੈਂਸ ਰੋਡ ਪਿੰਡ ਬਲੋਚਕੇਰਾ ਨਜ਼ਦੀਕ ਨਾਕਾ ਲਗਾਇਆ ਹੋਇਆ ਸੀ। ਪੁਲਿਸ ਪਾਰਟੀ ਵੱਲੋਂ ਨਾਕਾ ਪਰ ਇੱਕ ਸਵਿਫਟ ਕਾਰ ਵਾਇਟ ਨੰਬਰੀ PB 08 DB 7912 ਨੂੰ ਸ਼ੱਕ ਦੇ ਬਿਨ੍ਹਾਂ ਪਰ ਰੁਕਣ ਦਾ ਇਸ਼ਾਰਾ ਕੀਤਾ ਗਿਆ। ਜਿਸ ਵਿੱਚ 02 ਨੌਜਵਾਨ ਬੈਠੇ ਹੋਏ ਸਨ। ਕਾਰ ਵਿੱਚ ਨਸ਼ੀਲੇ ਪਦਰਥ ਦਾ ਸ਼ੱਕ ਹੋਣ ਤੇ ਕਾਨੂੰਨ ਅਨੁਸਾਰ ਕਾਰਵਾਈ ਅਮਲ ਵਿੱਚ ਲਿਆਉਂਦੇ ਪੁਲਿਸ ਪਾਰਟੀ ਵੱਲੋਂ ਕਾਰ ਵਿਚੋਂ 4 ਕਿਲੋ 400 ਗ੍ਰਾਮ ਹੈਰੋਇਨ ਬ੍ਰਾਮਦ ਕਰ ਲਈ ਗਈ ਹੈ।ਜਿਸੇ ਤੇ ਮੁਕੱਦਮਾ ਨੰਬਰ 17 ਮਿਤੀ 24.01.2023 ਅ/ਧ 21ਸੀ/61/85 ਐਨ.ਡੀ.ਪੀ.ਐਸ. ਐਕਟ ਤਹਿਤ ਬਰਖਿਲਾਫ ਗੌਰਵ ਪੁੱਤਰ ਅਰੁਣ ਕੁਮਾਰ ਵਾਸੀ ਸਵਰਨ ਸਿੰਘ ਕਲੋਨੀ ਕਪੂਰਥਲਾ ਅਤੇ  ਅਕਾਸ਼ ਉਰਫ ਯਾਦਵ ਵਾਸੀ ਮਾਰਕ ਫੈਡ ਚੌਂਕ ਕਪੂਰਥਲਾ, ਥਾਣਾ ਲੰਬੀ ਵਿਖੇ ਮੁਕੱਦਮਾ ਦਰਜ਼ ਕੀਤਾ ਗਿਆ।   ਼ ਦੋਸ਼ੀ ਗੌਰਵ ਪੁੱਤਰ ਅਰੁਣ ਕੁਮਾਰ ਵਾਸੀ ਸਵਰਨ ਸਿੰਘ ਕਲੋਨੀ ਕਪੂਰਥਲਾ  ਨੂੰ ਗ੍ਰਿਫਤਾਰ ਕਰ ਲਿਆ ਹੈ  ਇਸ ਨੂੰ ਮਾਨਯੋਗ ਅਦਾਲਤ ਪੇਸ਼ ਕਰਕੇ ਹੋਰ ਪੁੱਛ ਗਿੱਛ ਕਰਨ ਤੇ ਹੋਰ ਵੀ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।