ਬੂੜਾ ਗੁੱਜਰ ਰੋਡ ’ਤੇ ਰੇਲਵੇ ਫਾਟਕ 2-2 ਘੰਟੇ ਰਹਿੰਦਾ ਹੈ ਬੰਦ

ਸ੍ਰੀ ਮੁਕਤਸਰ ਸਾਹਿਬ, 1 ਫਰਵਰੀ :

ਸ੍ਰੀ ਮੁਕਤਸਰ ਸਾਹਿਬ ਸ਼ਹਿਰ ਅੰਦਰ ਬੂੜਾ ਗੁੱਜਰ ਰੋਡ ਤੇ ਰੇਲਵੇ ਫਾਟਕ ਪਿਛਲੇ 25 ਸਾਲਾਂ ਤੋਂ ਹਰ ਰੋਜ ਟ੍ਰੈਫਿਕ ਜਾਮ ਦੀ ਸਮੱਸਿਆ ਪੈਦਾ ਕਰ ਰਿਹਾ ਹੈ। 1995 ਤੋਂ ਰੇਲਵੇ ਵੱਲੋਂ ਬਰਾਡ ਗਰੇਜ਼ ਲਾਈਨ ਕਰਨ ਸਮੇਂ ਇਹ ਰੇਲਵੇ ਫਾਟਕ ਬੰਦ ਹੋਣ ਦੇ ਬਾਅਦ ਜਲਦਬਾਜੀ ਦੇ ਚੱਕਰ ਵਿੱਚ ਮੋਟਰਸਾਇਕਲ ਅਤੇ ਦੂਜੇ ਵਾਹਨ ਚਾਲਕ ਆਪਣੇ ਵਾਹਨ ਆਪਣੀ ਸਾਈਡ ਛੱਡ ਕੇ ਗਲਤ ਪਾਸੇ ਖੜੇ ਕਰ ਦਿੰਦੇ ਹਨ ਅਤੇ ਇਸ ਕਾਰਨ ਜਦੋਂ ਫਾਟਕ ਖੁੱਲਦਾ ਹੈ ਤਾਂ ਟ੍ਰੈਫਿਕ ਦੀ ਬਹੁਤ ਵੱਡੀ ਸਮੱਸਿਆ ਪੈਦਾ ਹੁੰਦੀ ਹੈ। ਮਾਲ ਵਿਭਾਗ ਦੇ ਰਿਕਾਰਡ ਵਿੱਚ ਸੜਕ ਦੀ ਚੌੜਾਈ 50 ਫੁੱਟ ਹੈ। ਫਾਟਕ ਦੇ ਦੋਵੇਂ ਪਾਸੇ ਸੜਕ ਤੇ ਨਜ਼ਾਇਜ਼ ਕਬਜ਼ੇ, ਸ਼ਨੀ ਮੰਦਰ ਅਤੇ ਸੀਵਰੇਜ਼ ਦਾ ਆਰਜ਼ੀ ਪੰਪ ਲੱਗਿਆ ਹੋਣ ਕਾਰਨ ਸੜਕ ਸੰੁਗੜ ਕੇ ਮੌਕੇ ਤੇ ਲਗਭਗ 20 ਫੁੱਟ ਚੱਲਦੀ ਹੈ। ਮੁਕਤਸਰ-ਜਲਾਲਾਬਾਦ ਰੋਡ ਦਾ ਫਾਟਕ ਮਿਤੀ 13 ਫਰਵਰੀ 2019 ਤੋਂ ਬੰਦ ਹੋਣ ਕਾਰਨ ਸ਼ਹਿਰ ਦਾ ਸਾਰਾ ਟ੍ਰੈਫਿਕ ਇਸ ਰਸਤੇ ਚੱਲਦਾ ਹੈ। ਜਲਾਲਾਬਾਦ ਰੋਡ ਤੋਂ ਸਾਰੇ ਵਿਦਿਆਰਥੀ ਜੋ ਡੀਏਵੀ ਸਕੂਲ, ਲਿਟਲ ਫਲਾਵਰ ਸਕੂਲ, ਸਰਵਹਿੱਤਕਾਰੀ ਸਕੂਲ ਵਿੱਚ ਲਗਭਗ 7000 ਦੀ ਗਿਣਤੀ ਵਿੱਚ ਪੜਦੇ ਵਿਦਿਆਰਥੀ ਆਮ ਤੌਰ ’ਤੇ ਇਸ ਫਾਟਕ ਜਾਂ ਰੇਲਵੇ ਦੀ ਮਾਲ ਗੁਦਾਮ ਵਾਲੀ ਸੜਕ ਰਾਹੀਂ ਆਉਂਦੇ ਹਨ। ਕਈ ਵਾਰ ਮਾਲ ਗੁਦਾਮ ਰੋਡ ਵੱਲ ਐਂਟਰੀ ਗੇਟ ਤੇ ਫਾਟਕ ਬੰਦ ਹੁੰਦਾ ਹੈ ਅਤੇ ਬੱਚਿਆਂ ਨੂੰ ਬੜੀ ਮੁਸ਼ਕਿਲ ਆਉਂਦੀ ਹੈ ਅਤੇ ਵਾਪਸ ਜਾਣਾ ਪੈਂਦਾ ਹੈ। ਜਦੋਂ ਕਿ ਬੂੜਾ ਗੁੱਜਰ ਰੋਡ �ਿਕ ਰੋਡ ਹੈ, ਜੋ ਹੈਵੀ ਟ੍ਰੈਫਿਕ ਲਈ ਪ੍ਰਵਾਨ ਨਹੀਂ ਹੈ ਅਤੇ ਸੜਕ ਦੀ ਹਾਲਤ ਵੀ ਖਸਤਾ ਹੈ। ਫਾਟਕ ਦੇ ਦੋਵੇਂ ਪਾਸੇ ਸੜਕ ਟੁੱਟੀ ਹੈ। ਰਜਬਾਹੇ ਦੇ ਪੁੱਲ ਦੀ ਹਾਲਤ ਅਤਿ ਮਾੜੀ ਹੈ। ਇਨਾਂ ਹਾਲਾਤਾਂ ਵਿੱਚ ਇਸ ਸੜਕ ਤੋਂ ਹੈਵੀ ਟ੍ਰੈਫਿਕ ਬੰਦ ਕੀਤਾ ਜਾਵੇ। ਮਾਲ ਗੱਡੀ ਕਾਰਨ ਫਾਟਕ ਲਗਾਤਾਰ 2-2ਘੰਟੇ ਤੱਕ ਬੰਦ ਰਹਿੰਦਾ ਹੈ ਅਤੇ ਅੱਤ ਦੀ ਸਰਦੀ ਵਿੱਚ ਵਿਦਿਆਰਥੀ ਸਰਦੀ ਵਿੱਚ ਖੜੇ ਰਹਿੰਦੇ ਹਨ। ਇਸ ਮੁਸ਼ਕਲ ਤੋਂ ਛੁਟਕਾਰਾ ਪਾਉਣ ਲਈ ਰੇਲਵੇ ਨੇ ਅੰਡਰਬਿ੍ਰਜ ਮਨਜ਼ੂਰ ਕੀਤਾ ਹੈ, ਪਰੰਤੂ ਉੱਚ ਅਧਿਕਾਰੀਆਂ ਦੇ ਹੁਕਮ ਦੇ ਬਾਵਜੂਦ ਕਾਨੂੰਗੋ ਵੱਲੋਂ ਮੌਕੇ ਤੇ ਨਿਸ਼ਾਨਦੇਹੀ ਨਹੀਂ ਕਰ ਰਿਹਾ। ਜਨਤਾ ਵੱਡੇ ਟੈਕਸ ਦਿੰਦੀ ਹੈ, ਜਿੱਥੋਂ ਤਨਖਾਹਾਂ ਮਿਲਦੀਆਂ ਹਨ, ਪਰੰਤੂ ਸਬੰਧਿਤ ਕਰਮਚਾਰੀ ਆਪਣੀ ਡਿਊਟੀ ਵੀ ਕਰਨ ਤੋਂ ਕੰਨੀ ਕਤਰਾਉਂਦੇ ਹਨ। ਜਦੋਂ ਕਿਸੇ ਵੀ ਅਰਜ਼ੀ ਅਧੀਨ ਅਤੇ ਮੁਲਾਕਾਤ ਕਰਨ ’ਤੇ ਵੀ ਉੱਚ ਅਧਿਕਾਰੀ ਵੱਲੋਂ ਕੋਈ ਕਾਰਵਾਈ ਨਹੀਂ ਹੋ ਰਹੀ ਹੈ ਤਾਂ ਦੱਸਿਆ ਜਾਵੇ ਇਹ ਮੰਗ ਨੂੰ ਕਿਸ ਅਧਿਕਾਰੀ ਕੋਲ ਲੈ ਕੇ ਜਾਇਆ ਜਾਵੇ। ਨੈਸ਼ਨਲ ਕੰਜਿਊਮਰ ਗਰੁੱਪ ਦੇ ਜਿਲਾ ਪ੍ਰਧਾਨ ਸ਼ਾਮ ਲਾਲ ਗੋਇਲ, ਬਲਦੇਵ ਸਿੰਘ ਬੇਦੀ, ਗੋਬਿੰਦ ਸਿੰਘ ਦਾਬੜਾ, ਭੰਵਰ ਲਾਲ ਸ਼ਰਮਾ, ਬਲਜੀਤ ਸਿੰਘ, ਜਸਵੰਤ ਸਿੰਘ ਬਰਾੜ, ਸੁਭਾਸ਼ ਚਗਤੀ ਅਤੇ ਕਾਲਾ ਸਿੰਘ ਬੇਦੀ ਨੇ ਜਿਲਾਂ ਪ੍ਰਸ਼ਾਸ਼ਨ ਤੋਂ ਮੰਗ ਕੀਤੀ ਹੈ ਕਿ ਇਸ ਸੜਕ ਦੀ ਨਿਸ਼ਾਨਦੇਹੀ ਕਰਵਾ ਕੇ ਸਾਰੇ ਨਜ਼ਾਇਜ਼ ਕਬਜੇ ਹਟਾਏ ਜਾਣ ਅਤੇ ਸੜਕ ਦੀ ਹਾਲਤ ਸੁਧਾਰੀ ਜਾਵੇ ਅਤੇ ਇਹ ਸੜਕ ਰੇਲਵੇ ਵਿਭਾਗ ਨੂੰ ਅੰਡਰਬਿ੍ਰਜ ਬਣਾਉਣ ਹਿੱਤ ਸਪੁਰਦ ਕੀਤੀ ਜਾਵੇ। ਇਸ ਦੇ ਨਾਲ ਹੀ ਅਣਗਹਿਲੀ ਕਰਨ ਵਾਲੇ ਕਰਮਚਾਰੀਆਂ ਦੇ ਖਿਲਾਫ਼ ਸਖਤ ਕਾਰਵਾਈ ਕੀਤੀ ਜਾਵੇ।