ਸ੍ਰੀ ਮੁਕਤਸਰ ਸਾਹਿਬ, 2 ਫਰਵਰੀ :

ਪੰਜਾਬ ਪੁਲਿਸ ਵਿਚ 37 ਸਾਲ ਬੇਦਾਗ ਨੌਕਰੀ ਕਰਨ ਤੋਂ ਬਾਅਦ ਸੇਵਾ ਮੁਕਤ ਹੋਣ ਤੇ ਸੈਨਾ ਕਲਰਕ ਇੰਸਪੈਕਟਰ ਅਮਰ ਚੰਦ ਦੇ ਸਨਮਾਨ ਵਿਚ ਪੁਲਿਸ ਵਿਭਾਗ ਵਲੋਂ ਸਥਾਨਕ ਪੁਲਿਸ ਲਾਇਨ ਵਿਖੇ ਵਿਦਾੲਗੀ ਸਮਾਰੋਹ ਕਰਵਾਇਆ ਗਿਆ। ਇਸ ਮੌਕੇ ਐਸ.ਐਸ.ਪੀ ਉਪਿੰਦਰਜੀਤ ਸਿੰਘ ਘੁੰਮਣ , ਐਸ.ਪੀ (ਹੈਡ ਕੁਆਟਰ) ਕੁਲਵੰਤ ਰਾਏ, ਡੀ.ਐਸ.ਪੀ ਹੈਡ ਕੁਆਟਰ ਅਵਤਾਰ ਸਿੰਘ ਨੇ ਇੰਸਪੈਕਟਰ ਅਮਰ ਚੰਦ ਵਲੋਂ ਵੱਖ ਵੱਖ ਅਹੁਦਿਆਂ ਤੇ ਨਿਭਾਈਆਂ ਬੇਦਾਗ ਸੇਵਾਵਾਂ ਦੀ ਸ਼ਲਾਘਾ ਕਰਦਿਆਂ ਉਹਨਾਂ ਨੂੰ ਸੇਵਾ ਮੁਕਤ ਹੋਣ ਤੇ ਮੁਬਾਰਕਬਾਦ ਦਿੱਤੀ ਗਈ। ਇਹਨਾਂ ਬੁਲਾਰਿਆਂ ਨੇ ਕਿਹਾ ਕਿ ਇੰਸਪੈਕਟਰ ਅਮਰ ਚੰਦ ਨੇ ਹਮੇਸ਼ਾਂ ਆਪਣੀ ਡਿਊਟੀ ਤਨਦੇਹੀ ਅਤੇ ਇਮਾਨਦਾਰੀ ਨਾਲ ਨਿਭਾਈ ਹੈ, ਜੋ ਕਿ ਦੂਜੇ ਮੁਲਾਜਮਾਂ ਲਈ ਵੀ ਪ੍ਰੇਰਨਾਦਾਇਕ ਹੈ। ਇਸ ਮੌਕੇ ਸਟੇਜ ਸੈਕਟਰੀ ਏ.ਐਸ.ਆਈ ਗੁਰਦੇਵ ਸਿੰਘ ਨੇ ਦੱਸਿਆ ਕਿ ਇੰਸਪੈਕਟਰ ਅਮਰ ਚੰਦ 1986 ਵਿਚ ਬਤੌਰ ਸਿਪਾਹੀ ਭਰਤੀ ਹੋਏ, ਜਿਸਤੋਂ ਬਾਅਦ ਉਹ 1991 ਵਿਚ ਹੈਡ ਕਾਂਸਟੇਬਲ, 2009 ਵਿਚ ਏ.ਐਸ.ਆਈ, 2019 ਵਿਚ ਸਬ ਇੰਸਪੈਕਟਰ ਅਤੇ 2022 ਵਿਚ ਇੰਸਪੈਕਟਰ ਵਜੋਂ ਪਦਉੱਨਤ ਹੋਏ। ਆਪਣੀ ਨੌਕਰੀ ਦੌਰਾਨ ਇੰਸਪੈਕਟਰ ਅਮਰ ਚੰਦ ਨੇ ਵੱਖ ਵੱਖ ਤਾਇਨਾਤੀਆਂ ਤੋਂ ਇਲਾਵਾ ਕਰੀਬ 17 ਸਾਲ ਸਹਾਇਕ ਸੈਨਾ ਕਲਰਕ ਅਤੇ ਮੁੱਖ ਸੈਨਾ ਕਲਰਕ ਵਜੋਂ ਤਨਦੇਹੀ ਨਾਲ ਡਿਊਟੀ ਨਿਭਾਈ। ਉਹਨਾਂ ਦੀ ਚੰਗੀਆਂ ਸੇਵਾਵਾਂ ਨੂੰ ਦੇਖਦੇ ਹੋਏ ਪੁਲਿਸ ਵਿਭਾਗ ਵਲੋਂ ਉਹਨਾਂ ਨੂੰ ਰਾਸ਼ਟਰਪਤੀ ਪੁਲਿਸ ਮੈਡਲ, 2 ਵਾਰ ਡੀਜੀਪੀ ਡਿਸਕ ਅਤੇ ਕਰੀਬ 300 ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸਤੋਂ ਇਲਾਵਾ ਸਿਵਲ ਪ੍ਰਸ਼ਾਸਨ ਵਲੋਂ ਵੀ ਉਹਨਾਂ ਨੂੰ 14 ਵਾਰ ਸਨਮਾਨ ਪੱਤਰ ਦਿੱਤੇ ਗਏ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਡੀਐਸਪੀ ਮੁਕਤਸਰ ਜਗਦੀਸ਼ ਕੁਮਾਰ, ਡੀਐਸਪੀ ਮਲੋਟ ਬਲਕਾਰ ਸਿੰਘ ਸੰਧੂ, ਡੀਐਸਪੀ ਗਿੱਦੜਬਾਹਾ ਜਸਬੀਰ ਸਿੰਘ, ਡੀਐਸਪੀ (ਡੀ) ਰਜੇਸ਼ ਸ਼ਨੇਹ ਬੱਤਾ ਤੋਂ ਇਲਾਵਾ ਜਿਲੇ ਦੇ ਐਸ.ਐਚ.ਓ ਅਤੇ ਹੋਰ ਪੁਲਿਸ ਕਰਮਚਾਰੀ ਮੌਜੂਦ ਸਨ। 
ਕੈਪਸ਼ਨ: ਇੰਸਪੈਕਟਰ ਅਮਰ ਚੰਦ ਨੂੰ ਸੇਵਾ ਮੁਕਤ ਹੋਣ ਤੇ ਸਰਕਾਰੀ ਜਿਪਸੀ ਤੇ ਰਵਾਨਾ ਕਰਦੇ ਹੋਏ ਪੁਲਿਸ ਅਧਿਕਾਰੀ।