ਸ਼੍ਰੀ ਦੁਰਗਾ ਮਾਤਾ ਮੰਦਿਰ ਵਿਖੇ ਮਾਤਾ ਦੀ ਚੌਕੀ ਦਾ ਆਯੋਜਨ

ਗਿੱਦੜਬਾਹਾ 

ਦਿਵਯ ਜੋਤੀ ਜਾਗ੍ਰਿਤੀ ਸੰਸਥਾਨ ਵੱਲੋਂ ਸ਼੍ਰੀ ਦੁਰਗਾ ਮਾਤਾ ਮੰਦਿਰ ਗਿੱਦੜਬਾਹਾ  ਵਿਖੇ ਮਾਤਾ ਦੀ ਚੌਕੀ ਦਾ ਆਯੋਜਨ ਕੀਤਾ ਗਿਆ| ਜਿਸ ਵਿੱਚ ਸ਼੍ਰੀ ਆਸ਼ੂਤੋਸ਼ ਮਹਾਰਾਜ ਜੀ ਦੀ ਸ਼ਿਸ਼ ਸਾਧਵੀ ਕ੍ਰਿਸ਼ਨ ਪ੍ਰੀਤਾ ਭਾਰਤੀ ਜੀ ਨੇ ਕਿਹਾ ਕਿ ਮਾਂ ਦੀ ਮਹਿਮਾ ਗਾਈ  ਨਹੀਂ ਜਾ ਸਕਦੀ । ਇਹ ਪ੍ਰੇਮ ਦਾ ਉਹ ਸਾਗਰ ਹੈ ਜਿਸ ਵਿੱਚ ਜਿੰਨੀ  ਡੁਬਕੀ ਲਗਾਈ ਜਾਵੇ ਉਨੀ ਘੱਟ ਹੈ| ਸਾਧਵੀ ਜੀ ਨੇ ਕਿਹਾ ਅੱਜ ਅਸੀਂ ਆਪਣੇ ਜੀਵਨ ਵਿੱਚ ਭੱਜਦੇ ਹਾਂ ,ਮਨ ਦੀ ਸ਼ਾਂਤੀ ਚਾਉਂਦੇ ਹਾਂ,ਧਿਆਨ ਲਗਾਉਣਾ ਚਾਹੁੰਦੇ ਹਾਂ ।ਪਰ ਅਸਲ ਵਿੱਚ ਇਹ ਸਭ ਸਾਨੂੰ ਉਦੋਂ ਹੀ ਮਿਲ ਸਕਦਾ ਹੈ ਜਦੋਂ ਅਸੀਂ ਆਪਣੇ ਅੰਦਰ ਜਾਵਾਂਗੇ ।ਸ਼ਾਂਤੀ ਬਾਹਰ ਨਹੀਂ ਸਗੋਂ ਸਾਡੇ ਅੰਦਰ ਹੀ ਹੈ। ਅਧਿਆਤਮ ਸਾਨੂੰ ਅੰਦਰ ਜਾਣਾ ਸਿਖਾਉਂਦਾ ਹੈ। ਅੱਜ ਅਸੀਂ ਆਪਣੇ ਅੰਦਰ ਨਾ ਜਾ ਕੇ ਬਾਹਰ ਭੱਜਦੇ ਹਾਂ ।ਇਸ ਲਈ ਅਸ਼ਾਂਤ ਰਹਿੰਦੇ ਹਾਂ ।ਮਨ ਦੀ ਸ਼ਾਂਤੀ ਦੀ ਦਵਾਈ ਬ੍ਰਹਮ ਗਿਆਨ ਨੂੰ ਹੀ ਭੁੱਲ ਚੁੱਕੇ ਹਾਂ ।ਸਾਨੂੰ ਅੱਜ ਜਾਗਰੂਕ ਹੋਣ ਦੀ ਜ਼ਰੂਰਤ ਹੈ ।ਕਥਾ ਵਿਚ ਆਕੇ ਮਨ ਦੀ ਸ਼ਾਂਤੀ ਪ੍ਰਾਪਤ ਕਰੋ|  ਇਸ ਅਵਸਰ ਤੇ ਸਾਧਵੀ ਪ੍ਰਵੀਣ ਭਾਰਤੀ ਜੀ ਨੇ ਭਜਨ ਗਾਏ ।ਸਾਧਵੀ ਜੀ ਨੇ ਦੱਸਿਆ ਕਿ ਪੰਜ ਦਿਨਾ ਸ੍ਰੀ ਕ੍ਰਿਸ਼ਨ ਕਥਾ ਵਿੱਚ 5 ਅਪ੍ਰੈਲ ਤੋਂ 8 ਅਪ੍ਰੈਲ ਤੱਕ ਜੋਧਪੁਰ  ਤੋਂ ਆਯੁਰਵੇਦ ਅਚਾਰੀਆ ਜੀ ਆਉਣਗੇ  ਜੋ ਨਾੜੀ ਪ੍ਰੀਖਣ ਦੁਆਰਾ ਸਾਨੂੰ ਸਾਡੇ ਰੋਗ ਤੋਂ ਜਾਣੂ ਕਰਵਾਉਣਗੇ ਅਤੇ ਆਯੁਰਵੈਦਿਕ ਦਵਾਈ  ਦੇ ਕੇ ਰੋਗ ਮੁਕਤ ਕਰਵਾਉਣਗੇ| ਉਹਨਾਂ ਨੇ ਦੱਸਿਆ ਕਿ ਕਥਾ ਦਾ ਆਯੋਜਨ ਹੋਣ ਤੋਂ ਇਕ ਦਿਨ ਪਹਿਲਾਂ 3 ਅਪ੍ਰੈਲ ਨੂੰ ਵਿਸ਼ਾਲ ਕੱਢੀ ਜਾਵੇਗੀ ਜੋ ਊਸ਼ਾ ਨਰਸਿੰਗ  ਹੋਮ ਤੋਂ ਸਵੇਰੇ 10 ਵਜੇ ਸ਼ੁਰੂ ਹੋ ਕੇ ਸ਼ਹਿਰ ਦੇ ਮੁੱਖ ਮਾਰਗਾਂ ਤੋਂ ਹੁੰਦੀ ਹੋਈ ਵਾਪਸ  ਕਥਾ ਸਥਾਨ ਪਹੁੰਚੇਗੀ । ਆਪ ਇਸ ਵਿੱਚ ਭਾਗ ਲੈ ਕੇ ਭਗਵਾਨ ਸ੍ਰੀ ਕ੍ਰਿਸ਼ਨ ਜੀ ਦੇ ਆਸ਼ੀਰਵਾਦ ਪ੍ਰਾਪਤ ਕਰੋ ਅਤੇ ਆਪਣੇ ਜੀਵਨ ਨੂੰ ਸਫਲ  ਬਣਾਓ। ਇਸ ਅਵਸਰ ਤੇ ਵਿਨੈ ਗਰਗ ਪਥਰੇਲਾ ਜੀ ,ਸੁਆਮੀ ਨੀਰਜਾਨੰਦ ,ਸਵਾਮੀ ਸੁਖਦੇਵਾ ਨੰਦ ਜੀ, ਦੁਰਗਾ ਮਾਤਾ ਮੰਦਰ ਕਮੇਟੀ ਦੇ ਮੈਂਬਰ ਵੀ ਸ਼ਾਮਲ ਸਨ|