ਘਰ-ਘਰ ਵਿੱਚ ਦਿੱਤਾ  ਸ਼੍ਰੀ ਕ੍ਰਿਸ਼ਨ ਕਥਾ ਦਾ ਸੰਦੇਸ਼

ਗਿੱਦੜਬਾਹਾ

ਦਿਵਯ ਜਯੋਤੀ ਜਾਗ੍ਰਿਤੀ ਸੰਸਥਾਨ ਵੱਲੋਂ ਪੰਜ ਦਿਨਾ ਸ਼੍ਰੀ  ਕ੍ਰਿਸ਼ਨ ਕਥਾ ਦਾ ਵਿਸ਼ਾਲ ਆਯੋਜਨ 4 ਅਪ੍ਰੈਲ ਤੋਂ 8 ਅਪ੍ਰੈਲ ਸ਼ਾਮ 7 ਵਜੇ ਤੋਂ ਰਾਤ 10 ਵਜੇ ਤੱਕ ਨੇੜੇ ਊਸ਼ਾ ਨਰਸਿੰਗ ਹੋਮ  ਦਾਣਾ ਮੰਡੀ ,ਗਿੱਦੜਬਾਹਾ ਵਿਖੇ ਹੋਣ ਜਾ ਰਿਹਾ ਹੈ| ਕਥਾ ਦਾ ਪ੍ਰਚਾਰ-ਪ੍ਰਸਾਰ ਸ਼ਹਿਰ ਵਿੱਚ ਬੜੇ ਜੋਰਾਂ-ਸ਼ੋਰਾਂ ਨਾਲ ਚੱਲ ਰਿਹਾ ਹੈ ।ਇਸ ਮੌਕੇ ਤੇ ਸੇਵਾਦਾਰਾਂ ਦੀ ਬਹੁਤ ਵੱਡੀ ਟੀਮ ਸ੍ਰੀ ਕ੍ਰਿਸ਼ਨ ਕਥਾ ਦਾ ਸੰਦੇਸ਼ ਲੈ ਕੇ ਘਰ ਘਰ ਕਾਰਡ  ਵੰਡਣ ਗਾਈ।ਸੇਵਾਦਾਰਾਂ ਦਾ ਕਹਿਣਾ ਹੈ ਕਿ ਅਸੀਂ ਇਹ ਪ੍ਰਣ ਲਿਆ ਹੈ ਕਿ ਗਿੱਦੜਬਾਹਾ ਸ਼ਹਿਰ ਵਿਚ ਕੋਈ ਵੀ ਘਰ ਐਸਾ ਨਾ ਹੋਵੇ ਜਿਥੇ ਸ੍ਰੀ ਕ੍ਰਿਸ਼ਨ ਕਥਾ ਦਾ ਸੰਦੇਸ਼ ਨਾ ਮਿਲੇ ।ਅਸੀਂ ਇਹ ਚਾਹੁੰਦੇ ਹਾਂ ਕਿ ਸਾਰੇ ਇਸ ਕਥਾ ਵਿਚ ਆ ਕੇ ਕਥਾ ਦਾ ਲਾਭ ਲੈਣ ਅਤੇ ਅਸੀਂ ਸਾਰੇ ਆਪਣੇ ਧਰਮ ਨਾਲ ਜੁੜੀਏ। ਸ਼੍ਰੀ ਆਸ਼ੂਤੋਸ਼ ਮਹਾਰਾਜ ਜੀ ਦੇ ਸ਼ਿਸ਼ ਸੁਆਮੀ ਨੀਰਜਾ ਨੰਦ ਜੀ ਨੇ ਦੱਸਿਆ ਕਿ 5 ਅਪ੍ਰੈਲ ਤੋਂ 8 ਅਪ੍ਰੈਲ ਤੱਕ ਆਯੁਰਵੇਦ ਅਚਾਰੀਆ ਜੀ ਆਉਣਗੇ ਜੋ ਨਾੜੀ ਪ੍ਰੀਖਣ ਦੁਆਰਾ ਸਾਨੂੰ ਸਾਡੇ ਰੋਗਾਂ ਤੋਂ ਜਾਣੂ ਕਰਵਾਉਣਗੇ ਅਤੇ ਆਯੁਰਵੈਦਿਕ ਦਵਾਈ ਦੇ ਕੇ ਸਾਨੂੰ ਰੋਗ ਮੁਕਤ ਕਰਵਾਉਣਗੇ। ਉਨ੍ਹਾਂ ਨੇ ਦੱਸਿਆ ਕਿ ਕਥਾ ਦੇ ਆਯੋਜਨ ਹੋਣ ਤੋਂ ਇਕ ਦਿਨ ਪਹਿਲਾਂ 3 ਅਪ੍ਰੈਲ ਨੂੰ ਵਿਸ਼ਾਲ ਕਲਸ਼ ਯਾਤਰਾ ਕੱਢੀ ਜਾਵੇਗੀ ਜੋ ਊਸ਼ਾ ਨਰਸਿੰਗ ਹੋਮ ਤੋਂ ਸਵੇਰੇ 10 ਵਜੇ ਸ਼ੁਰੂ ਹੋਕੇ ਸ਼ਹਿਰ ਦੇ ਮੁੱਖ ਮਾਰਗਾਂ ਤੋਂ ਹੁੰਦੀ ਹੋਈ 1:00 ਵਜੇ ਕਥਾ ਸਥਾਨ ਪਹੁੰਚੇਗੀ।ਆਪ ਇਸ ਵਿੱਚ ਭਾਗ ਲੈ ਕੇ ਭਗਵਾਨ ਸ੍ਰੀ ਕ੍ਰਿਸ਼ਨ ਜੀ ਦੇ ਆਸ਼ੀਰਵਾਦ ਪ੍ਰਾਪਤ ਕਰੋ ਅਤੇ ਆਪਣੇ ਜੀਵਨ ਨੂੰ ਸਫਲ ਬਣਾਓ|